Xəbərlər
“KONSTİTUSİYA VƏ SUVERENLİK İLİ” İLƏ BAĞLI NAXÇIVAN MUXTAR RESPUBLİKASININ İQTİSADİYYAT NAZİRLİYİ TƏRƏFİNDƏN AĞACƏKMƏ AKSİYASI KEÇİRİLİB
Dekabrın 6-da “Konstitusiya və Suverenlik İli” ilə bağlı Naxçıvan Muxtar Respublikasının İqtisadiyyat Nazirliyi tərəfindən ağacəkmə aksiyası keçirilib.
Naxçıvan-Şərur magistral yolu istiqamətindəki yaşıllıq sahələrində keçirilən ağacəkmə aksiyasında Naxçıvan Muxtar Respublikasının İqtisadiyyat Nazirliyi və strukturuna daxil olan tabeliyindəki qurumların rəhbər heyəti və əməkdaşları iştirak ediblər.
Aksiya çərçivəsində 1000-ə yaxın ərik, badam, alma və digər növ ting əkilib, suvarma işləri aparılıb, tinglərə aqrotexniki qulluq göstərilib.
Aksiyanın keçirilməsində məqsəd ətraf mühitin mühafizəsinə və yaşıllıq sahələrinin genişləndirilməsinə töhfə verməkdir.
06.06.2026